Santo Tomas egunean, 2011ko gabonetako lehiaketetako sariak banatu ziren. Horretarako ekitaldi polita antolatu zen liburutegian. Lehiaketan parte hartu zuten guztiak egon ziren, gutun sarituak irakurri ziren eta Jon Aguinagak (1D) bibolinarekin girotu zuen ekitaldia.
Iban Burgañak, Gorputz Heziketako irakasleak, eta Herri Kiroletako (DBH-2)bere taldeak Antonio ezagutu zuten auzoko bolatokian. Antonio da Altzan gelditzen den bola-jokalari bakerrenetakoa eta bera da bolatokia txukun-txukun gordetzen duena. Esan daiteke berari esker bizirik dirauela bolatokia. Antoniok oraindik ere parte hartzen du bola lehiaketetan eta , bideoan ikusi daitekeen bezela, oraindik ere oso trebea da bola-jokoan. Jokoan ez ezik bolei heldulekuak egiten ere maisu da. Pena bakarra dauka Antoniok, ez duela inor ikusten berak egindako lanaren lekukoa hartuko duenik.
Mila esker Antonio!
Elementu grafiko bezala puntua erabiliz marrazki bat osatu behar zuten. Erreferentzia bezala beraiek aukeratutako irudi bat erabili zezaketen. Adibide bezala, Vermeer margolari holandar aski ezagunaren obra baten (Esnezalea)zatiaren interpretazioa eskeini zaie. Beste adibide batzuk ere erakutsi zaizkie. Hemen dituzue lehenengoari dagozkion marrazkiak.
Marrazkia egiteko jarri zaien baldintza bakarra, kolorezko errotulagailuekin puntuak eginez sortzea izan da. Zenbait adibide erakutsi zaizkie eta pixela zer den eta pixelazioaren ideia landu dugu. Argazkigintza analogikoan sortzen den garaua eta zenbait erreprodukzio sistemetan dauden puntuei buruz pentsa arazi zaie. Puntua baliabide bat da eta bere potentzialitatean pentsa araztea izan da helburua. Koloreen nahasketa sortu ahal dela azaldu zaie eta Artearen Historian Seurat eta Signac-en puntillismoaz hitz egin zaie. Beraien lanak power point aurkezpen batetan ikusi dituzte. Lehengo kontzeptuen batuketa, Roy Lichtenstein-en lanean ikusi dugu. Serigrafiak, teknika bezala guzti honekin duen zerikusiaz ere jabetu arazi zaie ikasleei. Emaitzari baino, guzti honen hausnarketari eman zaio garrantzi handiagoa.
2. DBHko kasleekin komikien berezitasunak, duen lengoaia propioaz aritu gara. Ariketa honetan, komiki baterako pertsonaia bat sortu behar zuten. Pertsonaiak honako berezitasuna izan behar zuen: fruta edo barazki bat izan behar zuen. Teknika librea baina koloreetan izatea eskatu zaie.
Xabier Baztarrika irakaslearen laguntzaz, DBH-2 eta DBH-3ko ikasleek Gizarteko hainbat gai beste era batera ikasi daitekeela frogatu nahi izan dute. Haiek prestatu dituzte gaiak gero klasean ikaskideei aurkeztu eta azalpenak emateko. Ondoren haiek egindako bideoetan lanak nola antolatu dituzten azalduko digute eta ikaskideen artean azalpenak emateko prestatutako aurkezpenak ikusiko ditugu
"XX. mende haserako Futuristek, beren obretan mugimendua jaso nahi dute, argazki sekuentzia batean bezala. Eredu berbera jarraituz, hemen zuek sortutako batzuk" Olatz Laskibar (Plastika eta Ikus Hezkuntza)
Herritartasuna eta plastika jakintzagaien arteko elkarlanak
DBH-ko 3.A eta 3.B-ko ikasleek Printze txikia liburua irakurri ondoren ipuin ilustratua edo komiki bat sortu behar zuten. Berdin zen nondik heldu lanari, marrazki edo testutik, ikaslea margolari edo gidoilari aldi berean izan beharko zen. Lana egiteko ideien iturria beraien esperientziak edo fantasia izan zitekeen eta beraien inguruan edo paisai ezezagun batean kokatu behar zuten. Hau da emaitza. Josu konde eta Xabier Baztarrika
1. Batxilergoko Psikologiako lan taldeak, Xabier Arregi irakasleak zuzenduta, aurrekoan drogen ezagutza eta erabilerari buruzko lana burutu zuten DBH-4 eta batxilergoko ikasleen artean egindako inkesta batean oinarriturik. Oraingo honetan lan horren jarraipena plazaratu digute sexuaren inguruan, maila bereko ikasleek duten informazioa eta jokaerak azaltzeko.
Lanaren zehaztasunak eta ondorioak ikusteko ikusi ondorengo aurkezpena.
Egileak: Lidia Calleja, Zuriñe Uranga, Jon Ander Agirre eta Yerai Mera.